| A 的个人资料حـــــــره كالريــــــــ...照片日志列表 |  工具  帮助 |
|
12月5日 خدني على بلاديصباحكم كما تودون
صراحه ماعندي شي اقدر اتمناه لكم .. تعبانه .. ومزكمه .. ومتشائمه .. ومافيني اتمنى لـ غيري الأفضل
بما انو قعدتي على السرير اجباريه وماقدامي غير نت وتي في .. حبيت اتكلم .. انثر الحروف .. من غير ماأرجعها ..
ولاأفكر حتى بما كتبت .. ممكن في يوم احذف هالشخابيط .. ممكن ارجع اقراها وأحلف انه هذيان الحمى .. ولاتعبر عني بشي
أمس دخلت بحاله هيستريه .. تذكرت أحداث .. بيوت .. أشخاص
ناس حنيت لهم .. وناس حسيت بتقصيري بحقهم
تذكرت قريتنا .. قريتنا اللي تنعد على الأصابع مرات ذكري لها
ماعرفتها غير أيام الغزو .. قرروا أهلي من الأفضل نكون هناك .. لأنها أقرب مكان ممكن نروح له وقريب من الرياض
أمس عرفت أن احلى أيامي كانت هناك.. في بيت خالي عبدالرحمن رحمة الله عليه
أمس كان كل مابغاه حفنة من ثرى ذيك الأرض .. أرض أهلي / أبوي / جدي اللي عمري ماشفته ومع هذا توحشته أمس
أشتقت لخالي عبدالرحمن .. تخيلته وكأنه أمامي مع أن صار لي أكثر من عشر سنين بكثير ماشفته
باختصار من بعد الغزو ماشفته
تذكرت كيف أصحى من نومي وعلى طول أركض لغرفته أخذ نصيبي من التشوكليت والبسكوت والعصير
كان يحبني .. كان يعرف انه يحبني .. لكن أنا ماعرفت غير أمس
بعد الغزو يجي للرياض وماأتذكر في يوم زرته .. كان يمرض ويدخل المستشفى ويطلع وأنا آخر من يعلم
حتى يوم مات صانع فرحتي ماأتذكر نزلت مني دمعه
الله يرحمه يارب .. وينور قبره وينزل عليه الفرح والسرور والضياء والنور
اممم تذكرت ولد عمتي هناك وهو يأخذني لدكان صغير .. ماكنت أروح غير معاه
في نص الطريق كان فيه خرفان أخاف أعدي من عندها .. أتذكر كيف كنت أوقف لين يبعدها عن طريقي وأمر
والأن في طريق الدنيا وأنا أمشي يعترضني ماأخافه أكثر من مجرد خرفان
أوقف في مكاني .. يتعب مني الوقوف وأنا أنتظر من يبعدها عني .. من يمسك يدي ويشجعني أمر من عندها
ولا أحد
وأرجع خايبه من جديد
لولد عمتي قبله على جبينه ودعوات بالتوفيق
هناك كنت ألعب بالتراب .. وولد خالي يلطش بالكلام بقصد انو يقهرني
من صغري كنت أتقن فن اللامبالاه
لكن يوم وصل بكلامه لأعز أنسان وكيف تاركنا وحدنا وهو بالغربة
أخذت أكبر حصاة ورجمته فيها
ومن صغري ماكنت أخطي الهدف في منتصف جبهته تماماً.. أعتقد أنها لليوم العلامه الفارقه فيه
ومن يومها حرمت أدخل بيتهم.. حتى الحفله المقامه على شرفنا في آخر يوم لنا بالقريه رفضت أحضرها
أذكر وقتها جت عمتي الكبيرة تاخذني .. ولبست فستاني الأحمر المخمل ومسكت يدها
لـ عمتي دعوات بحياة طيبه معطاء تشبهها
لولد خالي تعيش وتاكل غيرها : )
خلاص تعبت .. أحتاج كوب عصير ليمون وملعقة عسل .. عسى الله ينفع فيها
引用通告此日志的引用通告 URL 是： http://yasameen7.spaces.live.com/blog/cns!608557032D5BCEBC!232.trak 引用此项的网络日志
|
|
|
